58�Թ�

Mae'r cwrs yma yn un dysgu o bell, a chod y modiwl yw MSE:4087.

Bydd y cwrs yn dechrau 26 Ionawr 2026 yn Semester 2, ym mlwyddyn academaidd 2025-2026.

I bwy mae'r cwrs yma?

Mae'r modiwl hwn yn addas ar gyfer gweithwyr gofal iechyd proffesiynol sy'n gyfrifol am feddyginiaethau cleifion, gan gynnwys meddygon, fferyllwyr, nyrsys a rhagnodwyr annibynnol o broffesiynau eraill.

Pam astudio'r cwrs?

Nod y modiwl hwn yw grymuso gweithwyr gofal iechyd proffesiynol gyda'r gallu i ddarparu gofal gwell, mwy personol, a fydd yn ei dro yn gwella canlyniadau iechyd cleifion. Bydd yn eich paratoi ar gyfer y prif ffrydio ffarmacogenomeg sydd ar fin digwydd.

Ei nod yw datblygu dealltwriaeth gefndirol am y datblygiadau diweddaraf mewn gwyddoniaeth a chymwysiadau ffarmacogenomeg a gofal iechyd haenedig. Byddwch yn dod i ddeall y cysyniadau cyffredinol o sut y gall amrywiad genetig effeithio ar ffarmacocineteg a ffarmacodynameg cyffur, neu achosi adweithiau niweidiol trwy gyfrwng imiwnedd. Bydd y modiwl yn defnyddio enghreifftiau o brofion ffarmacogenomig sy'n berthnasol i ymarfer clinigol.

Pa mor hir mae'n ei gymryd i gwblhau'r cwrs?

Mae'r cwrs yn cael ei gynnal dros 16 wythnos. Bydd 22 awr o ddarlithoedd yn cael eu rhyddhau dros y 9 wythnos gyntaf. Mae wythnosau 10, 11, 12, 14 a 15 ar gyfer dysgu hunangyfeiriedig a pharatoi ar gyfer yr asesiadau yn wythnosau 13 ac 16.

Tiwtor

Yr Athro

Mae Dyfrig yn Athro Ffarmacoeconomeg, yn gyd-gyfarwyddwr y Ganolfan Economeg Iechyd a Gwerthuso Meddyginiaethau ym Mhrifysgol Bangor ac yn Gyfarwyddwr Effaith ac Ymgysylltu i’r Ysgol Gwyddorau Iechyd. Mae hefyd yn arweinydd academaidd ar gyfer Fferylliaeth ym Mwrdd Iechyd Prifysgol Betsi Cadwaladr (sy'n cwmpasu Gogledd Cymru), ac mae'n athro anrhydeddus yn Adran Ffarmacoleg Foleciwlaidd a Chlinigol, Prifysgol Lerpwl.

Mae Dyfrig yn arwain y grŵp Economeg Fferyllol, Prisio ac Ymchwil Rhagnodi (PEPPER) ar weithgareddau ymchwil sydd â ffocws ar ymchwil ffarmacogenomeg, ac mae’n arweinydd rhaglen (interim) ar y BSc mewn Ffarmacoleg. Mae’n cyd-gadeirio Gweithgor Gwerthuso Profion Ffarmacogenomeg GIG Lloegr, ac mae’n gadeirydd Grŵp Ffarmacogenomeg Cenedlaethol GIG Cymru.

Beth fyddwch chi’n ei astudio ar y cwrs yma?

Mae ffarmacogenomeg yn gynyddol bwysig ar gyfer rhagnodi diogel ac effeithiol. Bydd y modiwl hwn yn disgrifio gwyddor ffarmacogenomeg, a'r cydadwaith rhwng cyfansoddiad genetig pobl ac effeithiau meddyginiaethau - o ran gwella ymateb i driniaethau a lleihau'r risg o adweithiau niweidiol i gyffuriau. Bydd y modiwl yn defnyddio enghreifftiau o brofion ffarmacogenomeg hysbys, dilys a all lywio'r broses o ddewis dosau a thriniaethau ar draws llawer o ddosbarthiadau a chlefydau cyffuriau.

Modiwlau

Mae’r modiwl wedi’i drefnu’n flociau dysgu sy’n ymdrin â’r meysydd pwnc canlynol:

1. Cyflwyniad i fiofarcwyr genomig ac amrywiadau genetig.
2. Defnyddio gwybodaeth genomig ar gyfer datblygu cyffuriau wedi'i dargedu
3. Sail genomig adweithiau niweidiol i gyffuriau ac effeithiolrwydd cyffuriau.
4. Heriau a chyfyngiadau astudiaethau ffarmacogenetig.
5. Gweithredu ffarmacogenomeg yn glinigol.
6. Diagnosteg cydymaith ac opsiynau ar gyfer modelau darparu gwasanaeth y GIG.
7. Argaeledd profion uniongyrchol-i-ddefnyddiwr a'r goblygiadau ar gyfer profion ffarmacogenomeg.
8. Asesiad technoleg iechyd o brofion ffarmacogenomig.

Budd o fynychu'r cwrs?

Bydd myfyrwyr yn dysgu am y datblygiadau diweddaraf mewn gwyddoniaeth a chymwysiadau ffarmacogenomeg a gofal iechyd haenedig. Byddant yn dod i ddeall y cysyniadau cyffredinol o sut y gall amrywiad genetig effeithio ar ffarmacocineteg a ffarmacodynameg cyffur, neu achosi adweithiau niweidiol trwy gyfrwng imiwnedd. Bydd y modiwl yn defnyddio enghreifftiau o brofion ffarmacogenomig sy'n berthnasol i ymarfer clinigol.
Nod y rhaglen yw grymuso gweithwyr gofal iechyd proffesiynol i ddarparu gofal gwell, mwy personol, a fydd yn ei dro yn gwella canlyniadau iechyd i gleifion. Bydd yn eich paratoi ar gyfer y prif ffrydio ffarmacogenomeg sydd ar fin digwydd.

Ar gyfer staff GIG Cymru, meddygon teulu a fferyllwyrsy'n darparu gwasanaethau i GIG Cymru yn y gymuned, bydd y cwrs yn cael ei ariannu’n llawn gan Addysg a Gwella Iechyd Cymru (AaGIC), yn amodol ar fodloni’r meini prawf mynediad. 

Croesewir ceisiadau gan weithwyr gofal iechyd proffesiynol o rannau eraill o'r DU. Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Bydd angen i ymgeiswyr gael gradd lefel BSc (2:2 neu uwch) mewn pwnc gwyddor bywyd sydd a chysylltiad iechyd, fferylliaeth neu feddygol, o Sefydliad Addysg Uwch cydnabyddedig.

Bydd ymgeiswyr yn Weithiwr Gofal Iechyd Proffesiynol, gyda rôl yn ymwneud â defnydd presennol neu ragamcanol o ffarmacogeneteg yn eu maes ymarfer. Mae ysgoloriaeth lawn ar gael i ymgeiswyr sy'n cael eu cyflogi ar hyn o bryd o fewn (neu wedi'u contractio gan) GIG Cymru.

Bydd yn ddelfrydol i ymgeiswyr gwbwlhau'r cwrs Hanfodion Genomeg sydd ar gael drwy

Sut i wneud cais

Gwnewch yn siŵr eich bod yn darllen ac yn dilyn y cyfarwyddiadau isod cyn gwneud cais. Mae’r cyfarwyddiadau’n nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano, a bydd dilyn y cyfarwyddiadau’n arbed amser i chi.
 

Paratowch y wybodaeth ganlynol (mewn dogfen Word):

• Manylion cyflogaeth bresennol;
• Blynyddoedd o brofiad a hanes cyflogaeth (fel sy'n berthnasol)

Bydd hyn yn cyflymu'r broses o gwblhau'r ffurflen gais.